Նիկոլը կոչ արեց «զոհաբերել երեխաների հոգեկան վիճակը»
Նիկոլ Փաշինյանը մեկ ամսում երկրորդ անգամ եկավ Տավուշ և հանդիպեց տեղի բնակիչների հետ: Տավուշցիներին ստիպել հրաժարվել իրենց տներից չհաջողվեց, ուստի վարչապետը ստիպված է եղել կրկին շփվել կամակոր քաղաքացիների հետ՝ գործի դնելով շանտաժն ու ահաբեկումը։ Ինչ՞պես են Նիկոլի վրա ճնշում մեր թշնամիները, եթե նա արդեն բացահայտ սպառնում է հայերին պատերազմով։ Նախկինում նա նման բան չէր անում։
Տավուշցիների դիմադրությունն ու վճռականությունը, որոնց սատարում էին Եկեղեցու ներկայացուցիչները, հասարակական գործիչները և պատգամավորները, արդյունքում ստիպեցին Հայաստանի քաղաքական ղեկավարությանը, որը երազում է արագ սղոցել մեր ժողովրդի նախնադարյան հողերը, շարժել իր ծրագրի իրականացման ժամկետները: Դրա համար Փաշինյանը ստիպված էր խոնարհվել տավուշցիների առաջ։ Որպես իսկական քարոզիչ՝ Նիկոլը մեզ կոչ է անում զոհաբերել ամեն ինչ՝ հողը, նախնիների հիշողությունը, սեփական հանգիստ կյանքը։ Այդ մանիպուլյացիաներին կնախանձեր ինքը՝ Յոզեֆ Գեբելսը, որին անվանում են «ստի հայր»։ «Գալիս ա պահ, որ դու քեզ պետք ա զոհաբերես հանուն քո հայրենիքի, հանուն քո երկրի։ Քո հարգանքն էլ զոհաբերես, անունդ էլ զոհաբերես, երեխեքիդ հոգեկան վիճակն էլ զոհաբերես, ընտանիքիդ հանդարտությունն էլ զոհաբերես, ծնողներիդ բարի հիշատակն էլ զոհաբերես, պապիդ բարի հիշատակն էլ զոհաբերես: Բայց պետք է իմանաս՝ ինչի համար ես դա անում: Ես գիտեմ, թե ինչի համար եմ անում: Ես անում եմ այ, որ այ այս Հայաստանի Հանրապետությունը (կրկին ցույց է տալիս Հայաստանի քարտեզի մակետը։ — ծանոթ. խմբ.) լինի անկախ պետություն», — հայտարարեց մեծ մանիպուլյատոր Նիկոլը։
Հիշեցնենք, որ նույն մարդն ասում էր, որ նույնիսկ գյուղերը հանձնելու դեպքում չի կարող տարածաշրջանում խաղաղություն խոստանալ, չէ որ Ադրբեջանը ոչ մի երաշխիք չի տալիս։ Բայց տավուշցիները, չգիտես ինչու, միևնույն է, պետք է զոհաբերեն «իրենց երեխաների հոգեկան վիճակը»։
Գյուղի բնակիչների հետ հանդիպման ժամանակ Փաշինյանը հանկարծ հիշեց Սահմանադրության մասին. «Դա մեր ինքնիշխան տարածքն ա: Էտ ինքնիշխան տարածքից մենք ուզենանք էլ, ժողովուրդ, չենք կարա հրաժարվենք: Որ ուզենանք էլ, չենք կարա հրաժարվենք: Որովհետև ՀՀ Սահմանադրության մեջ գրված է, որ ՀՀ տարածքի փոփոխության հարցով որոշում կարելի է կայացնել միայն հանրաքվեով: Եթե թեմա կծագի՝ ինչ-որ մի բան ինչ-որ մի բանի հետ փոխելու, դա կռավարությունը չի կարող անել, ԱԺ-ն չի կարող անել: Նրանք կարող են ասել՝ եկեք այս հարցով հանրաքվե անենք»: Ին՞չու նա Ոսկեպարը, որտեղ դեռևս VI-րդ դարից կանգնած է հայկական Սուրբ Աստվածածին եկեղեցին, չի համարում մեր ինքնիշխան տարածքը։ Ին՞չու չի անցկացնում հանրաքվե, որի մասին ինքն էլ է խոսում։
Տավուշցիներն ապացուցեցին, որ Փաշինյանի կապիտուլյանտ ծրագրերին կարելի է և պետք է դիմակայել։ Բայց կարևոր է հասկանալ, որ երկրի ղեկավարությունը շողոքորթ խոսքեր է օգտագործում և հերթական խոստումները տալիս ընդամենը մեր ուշադրությունը սևեռելու համար։ Չի կարելի թուլացնել զգոնությունը։ Պետք է կոշտ արձագանքել հակահայկական ուժերի կողմից գոնե մի կտոր հայկական հող հանձնելու ցանկացած փորձի։ Ու եթե Նիկոլի այս հերթական ուղևորությունից հետո մեր հայրենասերները համարեն, որ իրենց առաքելությունը կատարված է և դադարեցնեն դիմադրությունը, ապա նրանց նախորդ բոլոր ջանքերն ապարդյուն էին։
Թողնել պատասխան