Մայրաքաղաքի գետնանցումներում հաշմանդամների համար վերելակներ կհայտնվեն

Երևանի քաղաքապետարանի շինարարության և բարեկարգման վարչության պետի պաշտոնակատար Խորեն Գրիգորյանը հայտնել է, որ մոտ ժամանակներս Երևանի գետնանցումներում սահմանափակ հնարավորությունների տեր մարդկանց համար հատուկ վերելակներ կտեղադրվեն։ 9 գետնանցումներում կտեղադրվի 18 վերելակ։

Փակ շուկայի գետնանցումի առաջին վերելակը կսկսեն տեղադրել արդեն մյուս շաբաթ։ Փոխքաղաքապետ Տիգրան Ավինյանի խոսքով այդպիսի վերելակների տեղադրումը Երևանում հաշմանդամների ադապտացիայի համար կարևոր քայլ է։