Կառավարությունը ծղրիդներին “պատերազմ է հայտարարել”

Հայաստանի որոշ շրջաններում ծղրիդների չափազանց մեծ քանակությամբ տարածվելու պատճառով Կառավարությունը որոշում է ընդունել 13 մլն դրամ հատկացնել ուղղաթիռների միջոցով թունաքիմիկատներով տարածքը փոշոտելու համար։ Վնասատուների հետ պայքարում կմշակվեն Ծաղկաձորի անտառները և Արագածոտնի մարզի Եղիպատրուշ գյուղի տարածքը։

Գիտնականների տվյալներով Հայաստանում տարածվել են ծղրիդների “Զախարովի ծանրամարմին ծղրիդներ” (Polysarcus zacharovi) տեսակը։ Այդ միջատները վայրի բնությանը չեն վնասում, բայց մեծ տարածքների վրա հարձակման դեպքում կարող են վտանգ ներկայացնել հողագործության և գյուղատնտեսության համար։