Խնձորեսկում նոր գործարան է բացվել

Անցյալ շաբաթ սահմանային Սյունիքի մարզի Խնձորեսկում տեղի է ունեցել տեղական լոբահատիկավոր կուլտուրաների արտադրության գործարանի բացումը։ Այստեղ արտադրանքը կմշակվի, կտեսակավորվի և կփաթեթավորվի։ Ձեռնարկությունը կօգնի ինչպես տեղի բնակիչներին, այնպես էլ ամբողջ մարզի գյուղատնտեսությանը զարկ կտա։

Նշվում է, որ մոտ 60 տնտեսություն աջակցություն է ստացել, տրամադրվել է անհրաժեշտ գյուղատնտեսական տեխնիկան, ներառյալ ցանիչը և կոմբայնը։ Բնակիչները նաև գյուղատնտեսական կոոպերատիվ են ստեղծել։