Տարվա սկզբից Հայաստանի մարզիկները նվաճել են ավելի քան հարյուր մեդալ։

Հայաստանի կրթության, գիտության, մշակույթի և սպորտի նախարարությունում ամփոփել են 2023 թվականի առաջին ամիսների արդյունքները սպորտային հարթակներում։ Արդեն ավարտված Աշխարհի և Եվրոպայի առաջնություններում մեր երկրի ներկայացուցիչները նվաճել են 28 ոսկե, 25 արծաթե և 57 բրոնզե մեդալ։ Բազմաթիվ վառ հաղթանակներ մարզասերները կհիշեն երկար տարիներ։

Կառավարությունում շարունակում են քննարկել ամբողջ երկրում սպորտային ենթակառուցվածքների ստեղծման անհրաժեշտությունը՝ սպորտը որպես ռազմավարական ուղղություն զարգացնելու նպատակով։ Արդեն ավարտվում է Արթուր Ալեքսանյանի անվան սպորտդպրոցի շինարարությունը, նախատեսվում է Ամոյան եղբայրների անվան սպորտային համալիրի բացումը։ Հայաստանի օլիմպիական չեմպիոնների անունով կոչվող սպորտային հաստատությունների ստեղծման նախաձեռնությունը նախատեսվում է իրականացնել մոտակա ժամանակներում։