Սերժ Թանկյանը և Տոնի Այոմմին արցախցիների աջակցության երգ են թողարկել

System of a Down խմբի մենակատար Սերժ Թանկյանը և Black Sabbath-ի կիթառահար Տոնի Այոմմին Gibson-ի գլխավոր տնօրեն Սեզար Գուէյկյանի աջակցությամբ ներկայացրել են բարեգործական “Deconstruction” սինգլը։ Ստացված միջոցները կփոխանցվեն Արցախի փախստականների աջակցության Հայկական հիմնադրամին։

Տոնի Այոմմին նշել է, որ հայերին հրաշալի ժողովուրդ է համարում, և ուրախ է դառնալ այդ մեծ գործի մասնակիցը։ Նաև կանցկացվի բարեգործական աճուրդ, որի ժամանակ կցուցադրվի Սերժ Թանկյանի “Մեր սարերը” նկարը և Gibson Les Paul Standard կիթառը, որի վրա պատկերված է այդ նկարը։