Փաշինյանը տնտեսության նոր սեկտոր է բացում

Նիկոլ Փաշինյանը ակնկալում է Հայաստանում տնտեսության նոր սեկտորի բացում բժշկական ապահովագրության համակարգի ներդրման միջոցով։ Վարչապետը հույս ունի, որ մեր երկրում առողջապահության համակարգի մրցակցության բարձրացման դեպքում կզարգանա բժշկական տուրիզմը։

Առողջապահության նոր համակարգը կոչված է նորացնել գործող կանոնները հիվանդներին ժամանակակից և արդյունավետ օգնություն ցույց տալու համար, ինչպես նաև բնակչության համապատասխան խմբերի ապահովագրությունը սուբսիդավորել պետական բյուջեից, դրանք են հաշմանդամները, անապահով քաղաքացիները, պետծառայողները և անչափահասները։ Նիկոլ Փաշինյանը առաջարկում է լրացուցիչ միջոցներ ներգրավել պետական բյուջե։