«Ուրարտուն» դարձել է Հայաստանի գավաթի հաղթող

Հայաստանի գավաթի եզրափակչում երևանյան «Ուրարտու» ակումբը հաղթել է Գյումրու «Շիրակ» ակումբին 2։1 հաշվով։ Խաղի առաջին րոպեին Դավիթ Խուրցիդզեն գլխի հարվածով գյումրեցիների դարպասը գոլ է խփել, իսկ հինգ րոպե անց Մուսա Բակայոկոն հավասարեցրել է հաշիվը։ «Ուրարտու»-ին հաղթանակ է բերել Կարեն Մելքոնյանի գոլը խաղի 88-րդ րոպեին։

Երկրորդ խաղակեսում «Շիրակի» խաղացող Մուսա Բակայոկոն յոթ րոպեում ստացել է երկու դեղին քարտ և լքել դաշտը 72-րդ րոպեին։
Սա արդեն «Ուրարտուի» չորրորդ հաղթանակն է Հայաստանի գավաթում։ Այժմ թիմը մրցաշարային աղյուսակում զբաղեցնում է առաջին տեղը և այս մրցաշրջանում կարող է «ոսկե դուբլ» գրանցել։