Մետրոյի կայարանը նորից են ներկել

Մայրաքաղաքի մետրոպոլիտենը արձագանքել է Երևանի “Հանրապետության հրապարակ” մետրոյի կայարանի պատերի գույնի ընտրությունից դժգոհ ուղևորների բողոքներին։ Քանի որ սյուների միջև ընկած տարածության դեղին գույնը հավանություն չի ստացել, մետրոյի ղեկավարությունը որոշել է այդ հատվածները մոխրագույն ներկել։

Ինչպես հայտնել են Երևանի մետրոպոլիտենի մամուլի ծառայությունում քաղաքացիների կոչերին արձագանքելու մասին որոշումը ընդունվել է անհապաղ, և կայարանի ներկման աշխատանքները կազմակերպվել են առավելագույնս արագ։