Մայրաքաղաքում նոր անտառային զբոսայգի կկառուցվի

Նոր զբոսայգին կկառուցվի Երևանի Նոր Նորք վարչական շրջանում Սուրբ Սարգիս եկեղեցու և Դավիթ Բեկի փողոցի միջև։ Շինարարության և բարեկարգման վարչության պետի պաշտոնակատար Խորեն Գրիգորյանի խոսքով նոր այգում կտեղադրվեն շատրվաններ և կլինի երեխաների հետ զբոսնելու առանձին հատված, ինչպես նաև հատված շների հետ զբոսանքի համար։ Զբոսայգու բոլոր աստիճանները նախատեսվում է սալիկապատել բնական բազալտով։

Նոր անտառային զբոսայգու կառուցման աշխատանքները կսկսվեն այս տարվա սեպտեմբերին և կշարունակվեն 2024 թվականին։