Ինչպե՞ս են անցել տոները ՆԳՆ-ի համար

Հայաստանի ՆԳՆ-ի Փրկարարական ծառայության ճգնաժամային կառավարման կենտրոնում հաշվետվություն են ներկայացրել անցյալ տարվա դեկտեմբերի 31-իվ մինչև այս տարվա հունվարի 3-ի աշխատանքների մասին։ Տոների ընթացքում գրանցվել է 189 դեպք, որոնցից 58-ը արտակարգ։

Փրկարարներին դիմելու հիմնական պատճառները կենցաղային խնդիրներն են (70 զանգ) և հրդեհները (45 դեպք)։ Նաև քաղաքացիների դիմումների տարածված պատճառներն են եղանակային պայմանները` հայտնել են ձյունաբուքերի, ուժեղ քամու և ճանապարհներին մերկասառույցի մասին։