Հրաձիգները նորից մեդալներ են նվաճել

Ինչպես հայտնել են Հայաստանի հրաձգության Ֆեդերացիայում սլովենական Ռուսայում կայացած ISSF Grand Prix միջազգային մրցաշարում մեր երկրի ազգային հավաքականի ներկայացուցիչները նորից ցույց են տվել իրենց վարպետությունը, նվաճել են միանգամից 4 մեդալ, որոնցից 2-ը ոսկի։ Շնորհավորու՜մ ենք։

Նշվում է, որ Հայաստանի հրաձգության ազգային հավաքականը կարողացել է նվաճել երկու ոսկե, մեկ արծաթե և մեկ բրոնզե մեդալ։ Էլմիրա Կարապետյանը և Բենիկ Խլղաթյանը մրցաշարի վերջին օրը զույգով 10 մետրանոց հրաձգության վարժությունում դարձել են լավագույնը։