Հին նմուշի անձնագրերը կշարունակեն տալ

Հայաստանում շարունակվում են անձնագրերի նոր տեխնիկական պահանջների մշակումը։ Իշխանությունները նախատեսում են ամբողջությամբ անցնել կենսաչափական անձնագրերի համակարգի, այդ ոլորտում զգալի ռեֆորմներ իրականացնել և փաստաթղթերի շրջանառության սպասարկման նոր մրցույթ հայտարարել, իսկ դրա համար ժամանակ է պետք։ Դրա հետ կապված հին նմուշի անձնագրերի հանձնումը հերթական անգամ երկարացվել է։

Հայաստանի Տեղեկատվական համակարգերի գործակալության տնօրեն Ներսես Երիցյանի խոսքով նոր ընկերության հետ պայմանագիրը կարող է կնքվել 2024 թվականի երկրորդ կեսին։ Դրանից հետո 12 ամիս կպահանջվի համակարգի ներդրման համար։