Հայկական լավաշը աշխարհի լավագույն հացերի թոփ-10-ի մեջ է

Հայկական ավանդական լավաշը խոհարարական TasteAtlas ուղեցույցի՝ աշխարհի 100 լավագույն հացերի վարկանիշում զբաղեցրել է 9-րդ տեղը։ Ցուցակում են նաև մատնաքաշը (62-րդ տեղ) և կանաչիով ու համեմունքներով “ժինգյալով հացը” (69-րդ տեղ)։

Ավելի վաղ “Հայկական խոհարարական ավանդույթների պահպանում և զարգացում” ԲԲԸ-ի գործադիր տնօրեն Արբի Կարախանին առաջարկել էր լրջորեն զբաղվել ավանդական խոհանոցի տարածմամբ և մասնագիտական կադրերի պատրաստմամբ, ինչի համար Կառավարության աջակցությամբ անհրաժեշտ է մշակել աջակցության պետական ծրագիր։