Հայաստանում կբացվի ֆետալ բժշկության կենտրոն

Մայրաքաղաքի “Սուրբ Գրիգոր Լուսավորիչ” բժշկական կենտրոնում փորձնական ռեժիմով կգործարկվի ֆետալ բժշկության Կենտրոն։ Այնտեղ հղի կանանց նկատմամբ կիրականացվի մասնագիտացված խնամք, ինչպես նաև մոր արգանդում պտղի վիրահատություններ կիրականացվեն։ Նախագիծը կոչված է նվազեցնել մայրական և մանկական հիվանդությունները և մահացությունը։

Արդեն իրականացվում են Կենտրոնի կազմավորման աշխատանքները, տեղի մասնագետների պատրաստում է իրականացվում։ Նաև ֆետալ բժշկության բաժանմունքի համար պատրաստ են 2 հզոր ժամանակակից ուլտրաձայնային սարքավորումներ։

Հետագայում նախատեսվում է ընդլայնել կենտրոնի գործունեությունը և նմանատիպ բաժանմունքներ բացել մարզերում։