Հայաստանում կանխատեսվում է անձրևային տաք հունիս

Հիդրոօդերևութաբանության և մոնիթորինգի կենտրոնի մասնագետների տվյալներով ամառվա առաջին ամսվա ընթացքում Հայաստանում կլինի հաճելի ջերմաստիճան առանց երաշտի։ Կանխատեսում են կլիմայական միջին նորմայից 1 աստիճանով բարձր ջերմաստիճան։

“Մեզ բավարար հաճելի հունիս է սպասվում՝ ոչ շոգ և ոչ հով,-սոցիալական ցանցի իր էջում պարզաբանել է Հայպետհիդրոմետի եղանակային կանխատեսումների բաժնի պետ Գագիկ Սուրենյանը։

Նշվում է, որ սովորաբար հունիսի ջերմաստիճանը 3-4 աստիճանով գերազանցում է մայիսի ցուցանիշները։