Հայաստանում կանցկացվի գինու տուրիզմի համաշխարհային համաժողովը

Իսպանական Լոգրոնյո քաղաքում գինու տուրիզմի համաշխարհային համաժողովի բացմանը հայտարարվել է, որ 2024 թվականին համաժողովը կանցկացնի Հայաստանը։ Այդ առիթով հայկական պատվիրակությանը գինու սափոր են նվիրել, որը խորհրդանշում է համաժողովի անցկացումը։

Այս տարի գինու տուրիզմի համաշխարհային համաժողովին մեր երկիրը ներկայացրել են Հայաստանի Զբոսաշրջության կոմիտեի և Գինեգործության ու խաղողագերծության Հիմնադրամի ղեկավարները։ Հիմնադրամի գործադիր տնօրեն Զարուհի Մուրադյանը հանդես է եկել նաև “Գինու տուրիզմի ազգային և տարածաշրջանային ռազմավարություն” պանելային քննարկումներին։