Հայաստանում բացվում է հայրենադարձության և ինտեգրացման Կենտրոն

Մայրաքաղաքի Հանրապետության փողոցում բացումից առաջ Սփյուռքի հարցերով հանձնակատարին առընթեր սկսել է գործել հայրենադարձության և ինտեգրացման Կենտրոն։ Պաշտոնապես այն կբացվի հուլիսի 20-ից հետո, սակայն արդեն հասցրել է մեծ քանակությամբ հայտեր և դիմումներ ընդունել սփյուռքի ներկայացուցիչներից և հայրենադարձներից։ Կենտրոնի աշխատակիցները աշխատում են քաղաքացիների հետ առցանց և տեղում։

Սփյուռքից Հայաստան վերադառնալ ցանկացող հայերը կարող են կապ հաստատել օպերատորի հետ, որը նրանց կուղեկցի բոլոր փուլերում՝ հայրենադարձությունից մինչև ադապտացում։
Ամեն ամիս Սփյուռքի հարցերով գրասենյակ օգնություն կամ խորհրդատվություն ստանալու համար դիմում է 400-ից մինչև 500 հայրենակիցներ։ Ամենահաճախ հանդիպող հարցերն են երեխայի մանկապարտեզի, դպրոցի հարցերը, աշխատանք գտնելու, առողջապահության, բնակարան գնելու, բնակության կարգավիճակ կամ քաղաքացիություն ստանալու, Հայաստանից այլ երկրներ անձնական բեռների փոխադրման հարցերը։