Երևանը կընդունի Չեմպիոնների լիգան

2024 թվականը խոստանում է հարուստ լինել սպորտային իրադարձություններով այդ թվում նաև մեր երկրի համար։ Մայիսին մայրաքաղաքի “Կարեն Դեմիրճյան” Մարզահամերգային համալիրում տեղի կունենա ֆուտզալի ՈՒԵՖԱ-ի Չեմպիոնների լիգայի եզրափակիչ փուլը։ Մասնակիցներն են “Բարսան”, “Բենֆիկան”, “Սպորտինգը” և գործող չեմպիոն “Պալման”։

Կիսաեզրափակիչները տեղի կունենան Երևանի Մարզահամերգային համալիրում մայիսի 3-ին, երրորդ տեղի համար խաղը և եզրափակիչը տեղի կունենան մայիսի 5-ին։ Ում հետ կխաղան հակառակորդները, հայտնի կդառնա վիճակահանության արդյունքում։