Ավերածությունների վերացում մայրաքաղաքում
Շաբաթը սկսվեց Հայաստանին պատուհասած ուժեղ քամու հետևանքների վերացմամբ։ Մայրաքաղաքում զոհեր չկան, սակայն քաղաքը լրջորեն տուժել է. տարբեր շրջաններում ծառեր ու սյուներ են տապալվել, տանիքներ ու գովազդային վահանակներ քանդվել: Այժմ հրշեջ-փրկարարական ջոկատների աշխատակիցների ուժերով բոլոր խնդիրները վերացվել են։
ՆԳՆ Փրկարար ծառայությունից նշել են, որ տարերքի հետ կապված արտակարգ իրավիճակների վերաբերյալ 52 ահազանգ է ստացվել թեժ գծին, դրանցից 48-ը հենց Երևանին է վերաբերել: Զոհեր և տուժածներ չկան, սակայն վնասվել են ավտոմեքենաներ, ինչպես նաև ժամանակավորապես փակվել են երթևեկելի հատվածները տարատեսակ խոչընդոտներով:
Թողնել պատասխան