Առանց ծնողների հոգածության մնացած երեխաների ուսուցման ժամկետները փոխվել են

Նախկինում առանց ծնողների հոգածության մնացած երեխաների համար նախատեսված էր անվճար բարձրագույն կրթություն մինչև 23 տարեկանը։ Սակայն երիտասարդ տղաների բանակում ծառայության և աղջիկների՝ հղիության և երեխայի խնամքի հետ կապված ուսուցումը կիսատ էր մնում։ Նոր կանոններում որպես վերջնական ժամկետ կնշվի ուսուցման ավարտը։

“Առանց ծնողների հոգածության մնացած երեխաների սոցիալական պաշտպանության մասին” օրենքում փոփոխությունների և լրացումների նախագիծը Հայաստանի Ազգային ժողովի կողմից ընդունվել է երկրորդ ընթերցմամբ։ Այն վերաբերում է նաև միջին մասնագիտական հաստատություններում և քոլեջներում սովորողներին։