ԱԷԿ-ը արդեն միացվել է

Հայաստանի ատոմային էլեկտակայանի երկրորդ էներգոբլոկի երրորդ և չորրորդ տուրբոգեներատորները միացվել են երկրի միասնական էներգոհամակարգին։ Նշվում է, որ 75 օր տևած պլանային վերանորոգումը ավարտվել է ժամանակից շուտ։ Այժմ կայանը աշխատում է նորմալ ռեժիմով։

Մայիսի 5-ից ԱԷԿ-ում իրականացվում էին ռեակտորի պրոֆիլակտիկ վերանորոգման աշխատանքներ, ինչպես նաև շրջանատար խողովակների, գոլորշու գեներատորների և գոլորշիների տուրբինների կապիտալ վերանորոգում։