Զինվորական ծառայությունից խուսափողներին կարող են թույլ տալ վճարել դրա համար

Հայաստանում կարող են 27 տարեկանից բարձր, բանակում չծառայած քաղաքացիներին թույլ տալ խուսափել օրենքով սահմանված քրեական պատասխանատվությունից, եթե նրանք համապատասխան գումար վճարեն։ Օրենքի այդ նախագիծը մշակել է “Քաղաքացիական պայմանագիր” կուսակցության պատգամավոր Հայկ Սարգսյանը։ Ծառայության ժամկետը 12 ամսով կրճատելու համար առաջարկվում է վճարել 2,5 մլն դրամ, իսկ 18 ամսով կրճատելու համար 5 մլն դրամ, 23 ամսով 10 մլն դրամ, իսկ ծառայությունից ամբողջությամբ կարելի է հրաժարվել 15 մլն դրամի դիմաց։

Սարգսյանի կարծիքով այդ օրինագծի ընդունումը կբերի նրան, որ շատ քաղաքացիներ կվերադառնան հայրենիք, երկրի պետական բյուջեն կհամալրվի լրացուցիչ միջոցներով, իսկ Հայաստանի ԶՈՒ-ի կազմի մեջ շատ հայրենադարձներ կլինեն։ Ինչպես նաև դա ֆինանսական և նյութական ռեսուրսներ կխնայի, որոնք ծախսվում են ծառայությունից խուսափողներին պատասխանատվության ենթարկելու համար։