Հայկական կինոյի 100-ամյակի առթիվ թողարկվել է շարֆերի սահմանափակ հավաքածու

Հայտնի հայկական Artuyt բրենդը “Ոսկե ծիրան” 20-րդ միջազգային կինոփառատոնի շրջանակներում թողարկել է ատլասե շարֆերի հավաքածու։ Փառատոնը այսօր ավարտվում է Երևանում։ Հավաքածուն նվիրված է հայկական կինոյի 100 ամյակին, օգտագործվել են 36 հայտնի հայկական ֆիլմերի կադրերը։

Artuyt բրենդը ստեղծել է 2016 թվականին Արևիկ Առաքելյանը։ Ստեղծվող հավաքածուներում օգտագործվում են ժամանակակից հայ նկարիչների կոլաժներն ու նկարները, որոնք հայտնի են ինչպես Հայաստանում, այնպես էլ դրա սահմաններից դուրս։ Artuyt-ը համագործակցում է Ժամանակակից արվեստի թանգարանի, Սերգեյ Փարաջանովի և Երվանդ Քոչարի թանգարանների, Մատենադարանի և այլ գեղարվեստական հաստատությունների հետ։