Հայաստանում մշակում են էլեկտրական մեքենաների լիցքավորման նոր pos-տերմինալներ

Pos-տերմինալներ արտադրող հայկական Qpay ընկերությունը նախատեսում է սկսել տերմինալների նոր մոդելի արտադրություն։ Եթե էլեկտրական մեքենաների լիցքավորման համար նախատեսված տերմինալները այժմ էլեկտրաէներգիայի ծախսը հաշվում են լիցքավորման ժամանակով (ծախսը կիլովատ/ ժամ րոպեում), ապա մեր մասնագետների նոր մշակումը կհաշվի միայն էլեկտրաէներգիայի ծախսը կիլովատ/ժամ։ Դա թույլ կտա սարքին ճշգրիտ աշխատել։

Ընկերությունը բենզալցակայանների ցանցերից մեկում արդեն ներդրել է իր նորարարություններից մեկը։ Կատարելագործված pos-տերմինալը կարող է արգելափակել լիցքավորման կայանը, եթե այն ինչ-որ պատճառով չի կարողանում կտրոն տպել։ Qpay-ը նաև նախատեսում է Երևանում, Գյումրիում և Վանաձորում հասարակական տրանսպորտում քարտով վճարելու տերմինալներ տեղադրել։