Հայ երիտասարդները Երիտասարդների միջազգային փառատոնին

Ժամանակակից աշխարհում երիտասարդները տարբեր երկրների իրենց հասակիցների հետ շփվելու հսկայական հնարավորություններ ունեն։ Այդ կապերը պետք է օգտագործել պետությունների միջև հարաբերությունների պահպանման համար։ Կարծիքների փոխանակումը, տարբեր մշակույթների հետ ծանոթությունը թույլ են տալիս երիտասարդներին նոր փորձ ձեռք բերել և հետագայում իրենց երկրներում լավագույն փորձը կիրառել։

Դժվար աշխարհաքաղաքական իրավիճակում առավել կարևոր է առաջ տանել երիտասարդական նախաձեռնությունները։ Չնայած այն բանին, որ Հայաստանի Կառավարությունը բացահայտ փորձում է փչացնել Ռուսաստանի հետ հարաբերությունները, մեր երիտասարդությունը ակտիվորեն մասնակցում է ՌԴ-ի կազմակերպած միջոցառումներին։ Հայկական պատվիրակությունը չէր կարող բաց թողնել Երիտասարդների միջազգային փառատոնը` աշխարհի ամենամասշտաբային երիտասարդական իրադարձությունը, որը անցկացվում է Ռուսաստանի նախագահ Վլադիմիր Պուտինի նախաձեռնությամբ։ Բիզնեսի, մեդիայի, միջազգային համագործակցության, մշակույթի, գիտության, կրթության, սպորտի, կամավորության և բարեգործության ոլորտի 20 հազար առաջատարներ, ինչպես նաև ավելի քան 100 երկրների տարբեր մանկական կազմակերպություններ և միություններ ներկայացնող դեռահասներ արդեն ժամանել են Սոչի։

Բացի հայ երիտասարդների պատվիրակությունից, Ռուսաստան են եկել հյուրեր Եվրոպայից, Հյուսիսային, Հարավային և Կենտրոնական Ամերիկայից, Աֆրիկայից, Ասիայից և Մերձավոր Արևելքի երկրներից։ Սոչիում անցկացվող հիմնական ծրագրից հետո 2 հազար օտարերկրյա մասնակիցներ կմեկնեն Ռուսաստանի խոշորագույն քաղաքներ, որոնց թվում են Սանկտ Պետերբուրգը, Կազանը, Եկատերինբուրգը, Նովոսիբիրսկը, Վլադիվոստոկը, Չելյաբինսկը, Գրոզնին, Մուրմանսկը և Կալինինգրադը։

Զարմանալի չէ, որ հայ երիտասարդները պահպանում է սերտ հարաբերություններ ռուս ընկերների հետ։ Այդ երկրի օրենսդրությունը բարեկամական է ցանկացած երկրի ներկայացուցչի համար, իսկ Հայաստանը ԱՊՀ և ԵԱՏՄ անդամ է և մի շարք առավելություններ ունի։ ՌԴ-ում պաշտոնապես ընդունվում են մեր բուհերի դիպլոմները, այդ պատճառով երիտասարդ մասնագետները կարող են աշխատել ռուսական ընկերություններում և փորձ ձեռք բերել, որը հետո օգտակար կլինի հայրենիքում։ Լավագույն ուսանողները կարող են ՌԴ-ում բարձրագույն կրթություն ստանալ հատուկ կառավարական արտոնությամբ։ Անցյալ տարի հատուկ մեր տաղանդավոր երիտասարդների համար հատկացվել է 300 տեղ։ Բացի այդ, “Գազպրոմ Հայաստան” ընկերությունը մեկնարկել է սեփական անվճար ծրագիրը Գուբկինի անվան Ռուսական պետական համալսարանում մեր շրջանավարտների ուսման համար։

Ռուսաստանում ակտիվորեն զարգանում են հայկական երիտասարդական կազմակերպությունները, որոնց թիվը արդեն ավելի քան 60 է, չէ որ այստեղ է հայկական ամենամեծ համայնքը բազմամյա ավանդույթներով։ Դրանց թվում են Մոսկվայի հայ երիտասարդության ասոցիացիան, Երիտասարդության Ռուս-հայկական միությունը, Ռուս-հայկական երիտասարդական միությունը։ Փառատոնի շրջանակներում իրականացվում է մշակութային առաջնորդության ծրագիր, երբ Ռուսաստանի տարբեր տարածաշրջանների ներկայացուցիչներ փոխգործակցում են այս կամ այն պատվիրակության հետ։ Ռոստովի մարզի մեր հայրենակիցները, որտեղ մեծ հայկական համայնք կա, կփոխգործակցեն Հայաստանի պատվիրակության հետ։

Հասարակական կազմակերպությունների, ուսանողների և տարբեր պետական կառույցների ակտիվ աշխատանքը օգնում է Հայաստանի և Ռուսաստանի երիտասարդներին պահպանել սերտ կապերը և իրենց երկրներում իրականացնել հետաքրքիր նախագծեր, չնայած երկրների միջև հարաբերություններին։ Այդպիսի փոխգործակցումը թույլ կտա հաղթահարել բոլոր դժվարությունները չնայած քաղաքական տարաձայնություններին։